Föstudagur 23. mars
Kl.8:45-11:45 var haldin þemaráðstefna Norðurlandaráðs á Alþingi.
Þema ráðstefnunnar var Norðurslóðir.
Flutti ég ræða um málið fyrir hönd flokkahóps miðjumanna í Norðurlandaráði.
Kl.12:15 hófst fundur í Rótarýklúbbi Seltjarnarness.
Í kvöldfréttum rúv-útvarps var fjallað um fyrirspurn mína um neyðarvistun og meðferð ungmenna á Stuðlum.
Hér er fyrirspurnin og svarið.
Hér er frétt af mbl.is um málið.
Fimmtudagur 22. mars
Kl.8:00-9:10 stýrði ég fundi stjórnar flokkahóps miðjumanna í Norðurlandaráði.
Kl.9:15-12:00 stýrði ég fundi flokkahóps miðjumanna í Norðurlandaráði.
Halla Gunnarsdóttir, aðstoðamaður Ögmundar Jónassonar, kom á fundinn og kynnti okkur löggjöfina sem bannar nektardans á Íslandi, en sú löggjöf er tveggja ára á morgun.
Hér er kynning Höllu bæði á dönsku og neðst á íslensku.
Kl.13-17 stýrði ég fundi velferðarnefndar Norðurlandaráðs.
Kl.19 hófst hátíðardagskrá í Hátíðarsal Háskóla Íslands þar sem vinningshafi bókmenntaverðlauna Norðurlandaráðs var kynntur.
Miðvikudagur 21. mars
Dagurinn fór í lestur gagna vegna fundar velferðarnefndar Norðurlandaráðs sem hefst á morgunn.
Kl.17-22 var fundur þingflokks framsóknarmanna og Landsstjórnar á Hótel Glym í Hvalfjarðarsveit.
Í dag var svari Guðbjartar Hannessonar, velferðarráðherra, til mín, um neyðarvistun og meðferð ungmenna á Stuðlum, birt.
Þriðjudagur 20. mars
Kl.9:10 hófst fundur í allsherjar- og menntamálanefnd Alþingis.
Kl.13 var fundur í Íslandsdeild Norðurlandaráðs.
Kl.13:30 hófst þingfundur.
Kl.15 var heilsumæling.
Um kvöldið kom Húni í mat.
Kl.20 var hattafundur Kvenfélags Seltjarnarness, en gestir fundarins voru konur úr Kvenfélagi Villingaholtshrepps.
Mánudagur 19. mars
Kl.7:35 mætti ég á Bylgjuna til að fara í útvarpsviðtal um af hverju brýnt er að veita lögreglunni á Íslandi sömu rannsóknarheimildir og gilda á öðrum Norðulöndum.
Hér er linkur á viðtalið.
Fór svo í morgunkaffi á stofuna til pabba.
Síðan lá leiðin á Greiðuna, hárgreiðslustofu.
Kl.11 fundaði þingflokkur framsóknarmanna með forstjóra og aðstoðarforstjóra LSH.
Að fundi loknum skoðuðum við hluta sjúkrahússins.
Kl.14-17 var þingflokksfundur framsóknarmanna haldinn í höfuðstöðvum flokksins á Hverfisgötunni.
Fór svo í Nauthólsvík að hitta sjósundsfélagana.
Kl.18:30 borðaði þingflokkur framsóknarmanna saman á veitingastaðnum Snaps við Óðinstorg.
Sunnudagur 18. mars
Um kvöldið komu Húni, Hákon og mamma í lambahrygg.
Kvöldið nýttist í að setja inn myndir frá Naryan Mar í Rússlandi í dagbókina hér á heimasíðunni.
Laugardagur 17. mars
Kl.8:45-17:00 var fundur þar sem verðandi forsetar og verðandi ritarar Rótarýklúbanna á Íslandi hittust á fræðslufundi til að undirbúa komandi starfsár klúbbanna.