Föstudagur 27. janúar
Kl.12:15 var fundur í Rótarýklúbbi Seltjarnarness.
Kl.18 hélt æskuvinkona mín, Ragnheiður Einarsdóttir, upp á fimmtugsafmæli sitt með glæsilegri veislu.
Fimmtudagur 26. janúar
Um morguninn var Reykjanesbrautin opnuð aftur og þurfti snjóplóga og önnur álíka tæki til að ryðja það versta.
Kl.13:30 var hitti ég fulltrúa Hjartaheilla vegna líffæragjafamáls sem ég mun leggja fram á Alþingi í næstu viku.
Fór síðan niður á þing að ræða við þingmenn og vinna í tölvunni.
Um kvöldið hringdi Fréttablaðið í tengslum við ófærðina sem við lentum í í nótt.
Miðvikudagur 25. janúar
Kl.9-15 stýrði ég fundi velferðarnefndar Norðurlandaráðs.
Kl.17:10 var flug til Köben og þaðan heim um kvöldið.
Lentum kl.22:20 í Keflavík.
Þar var veður mjög vont, snjókoma, skafrenningur og rok.
Flugrútan komst ekki til Reykjavíkur þar sem Reykjanesbrautinni var lokað vegna ófærðar.
Við vorum því í um tvo tíma í flugrútunni hér og þar á svæðinu þar til við börðumst tilbaka í Leifsstöð.
Um nóttina ákváðum við nokkur að gista í Reykjanesbæ meðan aðrir ákváðu að gista í Leifssstöð eða úti í rútunni.
Þriðjudagur 24. janúar
Kl.9 var fundur í Íslandsdeild Norðurlandaráðs.
Kl.10 hófst ráðstefna um velferðarmál á Norðurlöndunum þar sem ég hélt erindi um vinnu velferðarnefndar Norðurlandaráðs.Á ráðstefnunni var rætt um hvernig þjónusta skal aukinn fjölda aldraðra á næstu áratugum.
Ráðstefnunni lauk kl.15.
Kl.15:30 stýrði ég fundi stjórnar flokkahóps miðjumanna í Norðurlandaráði.
Kl.16:30-18:30 stýrði ég fundi flokkahóps miðjumanna í Norðurlandaráði.
Kl.19:30 var kvöldverðarhóf í boðu norsku sendinefndarinnar í Norðurlandaráði.
Í dag á Húni afmæli.
Mánudagur 23. janúar
Kl.12:40 var flug til Óslóar, en þar held ég erindi og stýri fundi velferðarnefndar Norðurlandaráðs.
Mjög gott útsýni var yfir Vatnajökul á leiðinni.
Tókum við fluglestina frá Gardemoen til Óslóar.
Sunnudagur 22. janúar
Um miðjan daginn nýttist tíminn í göngutúr.
Um kvöldið komu Húni, Elín Björk, Hákon og mamma í ofnbakað læri til mín.
Laugardagur 21. janúar
Dagurinn fór í að vinna í gögnum.
Skrapp líka í bæjarferð í ýmsar reddingar.
Seinni partinn var tekið upp fréttaviðtal við mig um mál sem ég hef flutt um rannsóknarheimildir lögreglu, sem spilað var í sexfréttum rúv-útvarps.
Hér er linkur á frétt um pistil Eyglóar Harðardóttur vegna atkvæðagreiðslunnar í gær.