Föstudagur 4. nóvember
Kl.13 var útför Ólafs H. Óskarssonar gerð frá Dómkirkjunni.
Ólafur var skólastjóri minn í Valhúsaaskóla og starfaði með mér í Rótarýklúbbi Seltjarnarness.
Að útför lokinni var erfidrykkja í félagsheimili Seltjarnarness.
Kl.15 fór ég í vöfflukaffi á skrifstofu Framsóknarflokksins.
Kl.18 leit ég við í vísindaferð verkfræðinema á sama stað.
Fimmtudagur 3. nóvember
Kl.9 hófst fundur Norðurlandaráðs á umræðum um málefni velferðarnefndar.
Tók ég til máls s.s. mælti fyrir mænuskaðatillögunni, en hún var síðan samþykkt.
Eftir hádegi mælti ég fyrir tillögu valnefndar um skipun fulltrúa Norðurlandaráðs í nefndir og fleira.
Norðurlandaráðsþinginu var slitið eftir ræðu nýja forseta ráðsins, Kimmo Saasi.
Um kvöldið var flug heim.
Miðvikudagur 2. nóvember
Kl.10 hófst þing Norðurlandaráðs.
Kl.12:25 afhentum við Auður Guðjónsdóttir, hjúkrunarfræðingur, undirskriftalista 8500 kvenna vegna mænuskaðatillögunnar sem tekin verður fyrir á þingi Norðurlandaráðs á morgun.
Bertil Haarder, forseti Norðurlandaráðs, tók á móti listanum.
Síðan tók rúv-sjónvarp viðtal við mig um tillöguna.
Kl.16-17 var fyrirspurnatími norrænu samstarfsráðherranna þar sem ég spurði þann sænska og íslenska um hvernig leysa megi vanda íslenskra námsmanna í Svíþjóð sem fá ekki þær bætur úr sænsku almannatryggingunum sem við viljum meina að þeir eigi rétt á samkvæmt norrænum samningum.
Um kvöldið voru verðlaun Norðurlandaráðs veitt.
Gyrðir Elíasson, rithöfundur, hlaut bókmenntaverðlaun Norðurlandaráðs að þessu sinni.
Þriðjudagur 1. nóvember
Kl.8 stýrði ég fundi valnefndar Norðurlandaráðs.
Kl.10-12 stýrði ég fundi velferðarnefndar Norðurlandaráðs.
Kl.12-14 var hádegisverðarboð hjá dönsku drottningunni.
Boðið var skemmtilegt og mjög virðulegt.
Kl.14:30 var þing Norðurlandaráðs sett.
Kl.14:45-17:00 var leiðtogafundur með forsætisráðherrum Norðurlandanna þar sem fjallað var um norræn samfélög í ljósi voðaverkanna í Ósló og Útey í júlí í sumar.
Þar tók ég til máls fyrir hönd flokkahóps miðjumanna.
Kl.19 var móttaka í sendiráði Íslands.
Kl.20-22 var ég gestgjafi í kvöldverðarhófi fokkahóps miðjumanna.
Mánudagur 31. október
Kl.10:00-12:20 stýrði ég stjórnarfundi í flokkahópi miðjumanna í Norðurlandaráði.
Manu Sareen, nýr danskur samstarfsráðherra Norðurlandanna, heimsótti fundinn.
Kl.13:30-15:30 stýrði ég fundi flokkahóps miðjumanna í Norðurlandaráði.
Palle Christiansen, samstarfsráðherra Norðurlandanna á Grænlandi, heimsótti fundinn.
Kl.16 var undirbúningsfundur með embættismönnum vegna fundar valnefndar Norðurlandaráðs.
Kl.17-19 stýrði ég fundi valnefndar Norðurlandaráðs.
Sunnudagur 30. október
Nýtti daginn m. a. í að undirbúa Norðurlandaráðsþingið og fundi tengda því.
Laugardagur 29. október
Í dag lá leiðin til Kaupmannahafnar.