Föstudagur 22. apríl
Dagurinn nýttist í hvíld og lestur blaða.
Í dag fóru norskir frændur mínir að dytta að leiði móðurömmu og móðurafa, Inger Marie Juhlin og Arne Juhlin, í Bekkelagets kirkegård í Ósló.
Fimmtudagur 21. apríl
Fór í Garðheima til að versla vegna kryddplönturæktunarinnar.
Umpottaði síðan basilíkum- og kóríanderplöntunum mínum.
Miðvikudagur 20. apríl
Um morguninn las ég yfir blaðaviðtalið sem ég fór í í gær.
Í hádeginu komu Húni, Elín Björk og Hákon í kjúkling til mín.
Um kvöldið skrapp ég til Heiðar.
Þriðjudagur 19. apríl
Kl.9:30 fór ég í blaðaviðtal.
Í hádeginu var ég á vinnufundi.
Kl.14:30 var myndataka.
Kl.15 undirritaði ég þrenn lög, sem einn af varaforsetum Alþingis.
Kl.15:30 fór ég með Hákon til tannlæknis.
Kl.20 var ég viðstödd opnun sýningar á verkum Barböru Árnason í Gerðarsafninu.
Mánudagur 18. apríl
Dagurinn fór í allskyns útréttingar.
Um kvöldið gafst tími til að fara í mat til Ingunnar systur og co þar sem borðaðir voru afgangar úr fermingarveislunni hans Simma.
Sunnudagur 17. apríl
Kl.11 var systursonur minn, Sigmundur Árni Sigurgeirsson, fermdur í Hafnarfjarðarkirkju.
Kl.13:30 var fermingarveisla hans haldin í Frímúrarahúsinu í Hafnarfirði.
Í dag var ,í kvöldfréttum rúv, fjallað um viðtal við mig sem birtist í blöðunum Reykjavík og Hafnarfjörður.
Hér er linkur á skrifaða frétt af ruv.is um hana.
Hér er linkur á útvarpsfréttina.
Í gær birti Mogginn teiknaða "skopmynd" af mér í líki vændiskonu, en talsvert hefur verið fjallað um hana í fjölmiðlum.
Hef ég kosið að tjá mig ekki um þetta mál, allavega ekki í dag.
Laugardagur 16. apríl
Kl.15:30 var fermingarveisla systursonar míns, Þóris Guðmundar Þorbjarnarsonar haldin.
Kl.17 sýndi ég Eyrith Guttesen Leyni og fjölskyldu hennar Alþingi.
Eyrith er formaður Norræna félagsins í Færeyjum.