Föstudagur 24. desember
Í hádeginu fór ég í heimsókn til Erlu og Húnboga þar sem ég fékk gómsætan heimatilbúinn graflax sem Erla hafði útbúið.
Um kvöldið bauð Ingunn og fjölskylda upp á krónhjört og hamborgarahrygg með öllu tilheyrandi.
Síðan spiluðum við Fimbulfamb, Alias og Fjölskylduspilið.
Fimmtudagur 23. desember
Dagurinn fór í jólastúss.
Um kvöldið var humarveisla hjá Ingunni og co.
Fór síðan í kaffi á stúdentagarðana til Húnboga og Elínar Bjarkar.
Miðvikudagur 22. desember
Kl.13 var gerð útför Sólveigar Guðmundsdóttur frá Dómkirkjunni.
Hér er minningargrein mín um hana sem birtist í Morgunblaðinu í dag.
Að athöfn lokinni var erfidrykkja á Hótel Borg.
Um kvöldið elduðum við Hákon beikonpasta.
Sá gleðilega frétt um að sjávarútvegs- og landbúnaðarráðherra hefur sett reglugerð um hámark transfitusýra í matvælum, en ég hef barist fyrir slíkum reglum í nokkur ár.
Reglugerðin tekur gildi 1. ágúst á næsta ári sem er ásættanlegur aðlögunartími að mínu mati.
Þriðjudagur 21. desember
Nýtti daginn á skrifstofunni og í útréttingum.
Mánudagur 20. desember
Um morguninn skrifaði ég minningargrein.
Kl.13:30 hófst fundur forsætisnefndar Alþingis.
Kl.17 var tími til að skreppa í sjósund á næstmyrkvaðasta degi ársins.
Í dag var hitastig sjávar 0,6 gráður.
Eftir sjósundið bauð Heiður mér í spínatböku.
Sunnudagur 19. desember
Hluti dags fór í útréttingar og tiltektir.
Fór einnig í útvarpsviðtal um gúmmíkurl á gervigrasvöllum fyrir fréttir rúv-útvarps.
Hér er skrifuð frétt um málið.
Hér er ályktun Læknafélags Íslands um málið og hér er svar umhverfisráðherra við fyrirspurn minni um þetta mál á Alþingi.
Kl.18 hófst hið árlega jólaboð Siggu frænku og Golla.
Allir borðuðu á sig gat og skemmtu sér vel að venju.
Laugardagur 18. desember
Kl.10-13 voru atkvæðagreiðslur á Alþingi.
Í hádegishléi fóru framsóknarmenn á veitingastaði í mat.
Kl.14:10-15:00 voru atkvæðagreiðslur.
Síðan var fundur í forsætisnefnd.
Var þetta síðasti þingfundur fyrir jólahlé, en forsætisnefnd mun funda í næstu viku.
Í dag kom svar frá umhverfisráðherra við fyrirspurn minni um gúmmikurl í gervigrasvöllum.
Hér er ályktun frá aðalfundi Læknafélags Íslands sem var kveikjan að fyrirspurn minni.