Föstudagur 31.desember
Í dag birtist skemmtileg frásögn frá Haraldi Gunnari Hjálmarssyni, frænda mínum, á vefnum www.sksiglo.is.
Við Halli Gunni erum bræðrabörn.
Kl.18 hófst áramótaveisla hjá Ingunni og fjölskyldu í Hafnarfirði.
Eftir matinn kvöddum við gamla árið og fögnuðum nýju ári.
Fimmtudagur 30. desember
Vann á skrifstofunni hluta dagsins.
Kl.17-19 sýndi Tryggvi Jónsson fjölskyldu sinni og nokkrum vinum ráðstefnu- og tónlistarhúsið Hörpu.
Húsið er langt komið og glæsilegt í alla staði.
Hönnun þess og frágangur gengur að flestu leyti út á að tryggja góðan hljómburð.
Stefnt er að því að opna húsið 4. mai á komandi ári.
Um kvöldið bauð mamma okkur Hákoni, Húna og Elínu Björk í kjúkling.
Miðvikudagur 29. desember
Dagurinn nýttist á skrifstofunni á Alþingi.
Þriðjudagur 28. desember
Dagurinn fór í útréttingar.
Seinni partinn fórum við Heiður í sund og saunu.
Mánudagur 27. desember
Í hádeginu lá leiðin til Valda og Línu í Straumfirðinum á Mýrunum þar sem fram fór hið árlega nýárssjósund.
Valdi var líklega að fara í 13. sinn, ég í 6. sinn og Unnur Hrönn,og Lína og Gísli í 3. sinn.
Sjósundið var mjög hressandi að venju.
Sunnudagur 26. desember
Um miðjan daginn fórum við Heiður í sund í Laugardalslauginni.
Kl.17 hófst glæsilegt jólaboð hjá Árna bróður.
Laugardagur 25. desember
Um miðjan daginn fórum við Ingunn, Sigurgeir og Nelson í góðan göngutúr í snjónum í skógrækt Hafnarfjarðar.