Föstudagur 9. maí
Kl.12 var hátíðarfundur Rótarýklúbbs Seltjarnarness haldinn á Nauthól.
Dagskráin var helguð minningu Jóns Gunnlaugssonar heitins, fyrsta forseta klúbbsins.
Í gær voru 100 ár liðin frá fæðingardegi hans.
Kl.15:30 var tengiliðafundur í utanríkisráðuneytinu þar sem embættismenn ráðuneyta hittust til að fylgja eftir formennskuári Íslands í norræna ráðherraráðinu.
Kl.18 hitti ég framsóknarmenn á kosningaskrifstofunni í Kópavogi.
Fimmtudagur 8. maí
Kl.11 fundaði ég með fólki frá Halló Norden og Norræna félaginu.
Um kvöldið var matarboð fyrir fjölskylduna.
Ingibjörg Siv, ömmustelpan lék á alls oddi og var aðalskemmtiatriðið að venju.
Kl.22 fór ég á sýningu í Hörpunni.
Miðvikudagur 7. maí
Kl.9 var fundur með öldrunarráði Sogn og Fjordane í Noregi.
Kl.13 var símafundur með starfsmönnum á skrifstofu norrænu ráðherranefndarinnar í Kaupmannahöfn til að undirbúa ráðstefnu vegna 60 ára afmælis sameiginlegs norræns vinnumarkaðar.
Um kvöldið fundaði ég með framsóknarmönnum á Seltjarnarnesi.
Þriðjudagur 6. maí
Kl.12 var fundur í hátíðarnefnd vegna 100 ára afmælis kosningaréttar kvenna á næsta ári.
Kl.14 var símafundur með starfsmönnum Landamærahindrunarráðsins í Kaupmannahöfn.
Mánudagur 5. maí
Kl.10 var fundur vegna formennskuárs Íslands í norrænu ráðherranefndinni.
Sunnudagur 4. maí
Í dag lá leiðin suður.
Laugardagur 3. maí
Dagurinn nýttist á gönguskíðum.
