Föstudagur 3. maí
Kl.12 stýrði ég fundi í Rótarýklúbbi Seltjarnarness.
Gestur fundarins var Ragna Árnadóttir og fjallaði hún um samráðsvettvang til aukinnar hagsældar á Íslandi.
Fimmtudagur 2. maí
Skrapp á stofuna til pabba í morgunsárið.
Fór svo á skrifstofuna mín að taka til í pappírum.
Seinni partinn var hátíð hjá Gámaþjónustunni í Hafnarfirði í tilefni þess að fyrirtækið hefur náð umhverfisvottun.
Miðvikudagur 1. maí
Um kvöldið var skemmtileg uppskeruhátíð sem Eygló Harðardóttir hélt í tilefni góðra úrslita í Suðvesturkjördæmi.
Framsóknarmenn í Suðvesturkjördæmi bættu mestu fylgi við sig hlutfallslega í flokknum og geta verið mjög ánægðir með þann stórgóða árangur.
Þriðjudagur 30. apríl
Kl.9 fórum við Heiður á fyrirlestur í Hörpunni.
Síðan fórum við í sjósund í hádeginu og mat á Nauthól því Heiður á afmæli í dag.
Um kvöldið var matarboð hjá Húna og Elínu Björku.
Mánudagur 29. apríl
Skrapp niður á flokksskrifstofu að heyra í framsóknarmönnum eftir góð kosningaúrslit.
Kl.17 var sjósund.
Sunnudagur 28. apríl
Dagurinn fór í hvíld eftir stranga og skemmtilega kosningabaráttu.
Laugardagur 27. apríl
Í dag fór ég á allar kosningaskrifstofur Framsóknarflokksins í Suðvesturkjördæmi, þ. e. í Mosfellsbæ, Hafnarfirði, Garðabæ og Kópavogi.
Allsstaðar var mikið rennerí, en mesti fjöldinn var á skrifstofunni í Hafnarfirði.
Mjög góður andi ríkti og menn á því að við myndum fá gott fylgi.
Um kvöldið var kosningavaka á Spot í Kópavogi.
Eftir miðnætti var ég í ríkissjónvarpinu á kosningavökunni þar ásamt konum sem eru einnig að hætta þingmennsku nú.