Föstudagur 12. apríl
Um morguninn skrapp ég í heimsókn í sænska þingið.
Seinni partinn lá leiðin í Södramalm.
Fimmtudagur 11. apríl
Kl.8:30-10:00 var fundur flokkahóps miðjumanna í Norðurlandaráði, en hann var sá síðasti sem ég sit sem alþingismaður.
Kl.10-16 var þemaráðstefna Norðurlandaráðs haldinn í gamla neðrideildarsal sænska þingsins.
Rædd voru öryggis- og varnarmál.
Var þetta síðasti fundurinn sem ég sit í Norðurlandaráði þar sem ég hætti þingmennsku bráðlega.
Um kvöldið lá leiðin á kammertónleika í Hallwyska palaset.
Miðvikudagur 10. apríl
Kl.10 hófst fundur í stjórn flokkahóps miðjumanna í Norðurlandaráði í sænska þinginu.
Kl.13-15 var fundur flokkahóps miðjumanna í Norðurlandaráði.
Kl.15:00-18.30 stýrði ég fundi velferðarnefndar Norðurlandaráðs, en fundurinn var minn síðasti þar sem ég hætti sem alþingismaður bráðlega.
Kl.19:30 var kvöldverður í boði sænsku landsdeildarinnar í Norðurlandaráði í Miðaldasafninu í Stokkhólmi.
Þriðjudagur 9. apríl
Um morguninn var flug til Stokkhólms.
Mánudagur 8. apríl
Fór í morgunkaffi á stofuna til pabba um morguninn.
Kl.10 mætti ég á kosningaskrifstofu framsóknarmanna í Suðvesturkjördæmi.
Þaðan lá leiðin í fyrirtækjaheimsóknir í Hafnarfirði og Kópavogi til að kynna stefnu framsóknarmanna.
Mjög góður rómur var gerður að stefnu flokksins og frambjóðendum okkar.
Kl.20 er opinn fundur Framsóknarflokksins í Fjölbrautarskólanum í Garðabæ þar sem rætt verður um skuldamál heimilanna.
Sunnudagur 7. apríl
Kl.14 opnuðum við framsóknarmenn í Suðvesturkjördæmi kosningaskrifstofu í Hafnarfirði.
Troðið var út úr dyrum og mikil stemmning.
Laugardagur 6. apríl
Kl.14 opnuðum við framsóknarmenn í Suðvesturkjördæmi kosningaskrifstofu í Garðabæ.
Fjöldi manns mætti og skemmti sér vel.