Föstudagur 15. febrúar
Í dag lá leiðin norður á Húsavík.
Fimmtudagur 14. febrúar
Kl.8:30 var fundur allsherjar- og menntamálanefndar.
Kl.11 var sérstök umræða um svokallað FBI mál, en við Vigdís Hauksdóttir tókum þátt í henni fyrir hönd framsóknarmanna.
Kl.14 lá leiðin í Kringluna að máta föt vegna GoRed tískusýningarinnar.
Kl.17 var sendiherraboð á Alþingi.
Kl.19:30-20:30 tók ég þátt í tískusýningu GoRed í Kringlunni ásamt nokkrum þingmönnum og fleirum.
Miðvikudagur 13. febrúar
Kl.9:30 hitti ég bekkjarsystur mína úr MR vegna verkefnis sem hún er að vinna.
Kl.10:30 var heilsufarsmæling.
Kl.13:30 var þingflokksfundur framsóknarmanna á Alþingi.
Kl.20 var fundur framsóknarmanna í Borgarnesi.
Þriðjudagur 12. febrúar
Kl.9:30 var fundur í allsherjar- og menntamálanefnd.
Kl.10:30 var sameiginlegur fundur allsherjar- og menntamálanefndar og stjórnskipunar- og eftirlitsnefndar.
Kl.13 skrapp ég á kynningu hjá Bogfimifélaginu.
Mánudagur 11. febrúar
Kl.13:30 var þingflokksfundur framsóknarmanna á Alþingi.
Kl.15 hófst þingfundur.
Kl.15:30 hittist undirnefnd allsherjar- og menntamálanefndar sem er að fjalla um kynferðisbrotamál.
Kl.17 var sjósund.
Um kvöldið fór ég til Heiðar vinkonu.
Sunnudagur 10. febrúar
Kl.10-15 var flokksþing Framsóknarflokksins þar sem við samþykktum ályktanir.
Í lokin vorum við Birkir kvödd og þökkuð góð störf, en við gefum ekki kost á okkur til endurkjörs á Alþingi.
Laugardagur 9. febrúar
Kl.9-18 var flokksþing Framsóknarflokksins.
Fjöldi fólks sótti þingið og á því var mikill samhugur.
Á þinginu gafst mér færi á að taka til máls og þakka flokksmönnum gott samstarf í langan tíma.
Hér er umfjöllun mbl.is um ræðuna og hér dv.is.
Umfjöllun ruv.is einnig.
Um kvöldið var ég veislustjóri í flokksþingsveislunni.
Skemmtiatriðin voru öll heimatilbúin því kjördæmin, LFK og SUF tróðu upp með um 10 atriði.
Gestir skemmtu sér stórvel enda skemmtiatriðin sérlega vel heppnuð.
Fyrst byrjaði Frosti Sigurjónsson, oddviti okkar í Reykjavíkurkjördæmi norður, á því að standa á höndum, grafkyrr í lengri tíma.
Framsóknarflokkurinn hefur því eignast sinn eigin íþróttaálf.
Síðan tóku við hvert atriðið á fætur öðru.
Í lokin stóð SUF fyrir ræðukeppni milli þriggja þingmanna og þriggja ungliða og var ræðuefnið -Skyndikynni-.
Þingmenn voru meðmæltir en ungliðar áttu að tala gegn.
Þingmenn unnu, aðallega vegna vasklegrar frammistöðu Gunnars Braga Sveinssonar, þingflokksformanns, sem fór algerlega á kostum í pontunni.
