Fimmtudagur og föstudagur 8.-9. september
Við Hákon nýttum dagana í Bandaríkjunum.
Miðvikudagur 7. september
Kl.10:30 hófst þingfundur.
Kl.11 tók ég á móti sendinefnd sem Svein Ludvigsen, fylkesmannen í Troms, leiddi.
Sýndi ég þeim þingið og hélt síðan erindi um hvernig uppbygging almannavarna er á Íslandi.
Í Troms er fjall sem þeir óttast að muni skríða fram og valda allt að 45 metra flóðbylgju sem muni skella mögulega á byggð.
Kl.16:35 fórum við Hákon í loftið áleiðis til Minneapolis.
Þriðjudagur 6. september
Kl.10:30 hófst þingfundur.
Kl.17 var móttaka á Bessastöðum í tilefni þess að finnski sendiherrann afhenti trúnaðarbréf sitt.
Mánudagur 5. september
Kl.10:30 hófst þingfundur.
Kl.16 sótti ég fund með forseta króatíska þingsins og sendinefnd hans.
Kl.18 hófst mín vakt á forsetastóli.
Um kvöldið lá leiðin á Suðurlandið.
Sunnudagur 4. september
Dagurinn nýttist í tiltektir og útivist.
Laugardagur 3. september
Kl.11 hófst landsþing Landssambands framsóknarkvenna(LFK) í Grindavík.
Þar var m. a. kosinn nýr formaður LFK, Kristbjörg Þórisdóttir.